АСТАНА, 17 қараша — Sputnik. Америкалық Boston Dynamics компаниясы Atlas роботын секіруге және сальто жасауға үйретті. Роботтың акробатикалық мүмкіндіктерін көрсетіп жатқан сәті түсірілген видео компанияның YouTube-тегі каналында жарияланды, деп хабарлайды РИА Новости.
Бір минуттық роликте робот түрлі биіктіктегі кедергілерді бағындырып, артқа сальто жасады. Кейін бәрін сәтті орындадым дегендей екі қолын жоғары көтерді. Роликтің соңында роботтың құлап қалған сәті де көрсетілді.
Сегіз сағат ішінде видео 700 мыңнан астам рет қаралған.
Atlas роботы 2013 жылдан бері дайындалып келеді.
