АСТАНА, 16 қараша — Sputnik. Жедел жәрдем Volkswagen Touareg көлігімен соқтығысты, деп хабарлайды TVK. Жол апаты 15 қараша күні Иляев және Гоголь көшелерінің қиылысында болған.
Басылымның хабарлауынша, жедел жәрдем басты жолмен келе жатқанда, жол талғамайтын көлік қағып кеткен. Қатты соққыдан жедел жәрдем көлігі ағашқа соғылыпты. Жүргізуші есін жимастан ауруханаға жеткізілді.
Оқиға куәгерлерінің сөзіне сүйенсек, жол талғамайтын көліктің рөлінде әскери киім киген адам болыпты, апатқа кінәлі екенін мойындаған. Жол апаты орнында тергеушілер жұмыс істеп жатыр.
