Министр баяндап болғаннан кейін үкімет басшысы Бақытжан Сағынтаев "Медаль бойынша болжам қандай?" деп сұрады.
"Сіздің "табысты болуға мәжбүрміз" деген сөзіңіз бар еді ғой, сондықтан жетістікке жетеміз деген ойдамыз", — деді Мұхамедиұлы.
"Жақсы, онда сізге біздің спортшылардың соңғы дайындығын сапалы өткізу тапсырылады. Cізде басқа амал жоқ – жеңуге мәжбүрсіздер", — деп әзілдеді премьер-министр.
Қысқы олимпиада ойындары 2018 жылы 9-25 ақпанда Оңтүстік Кореяның Пхенчхан қаласында өтеді. Қазақстандық спортшылар әлем додасында 9 спорт түрінен бақ сынайды.
