АСТАНА, 12 қараша – Sputnik. Фейсбук қолданушылардың парақшадағы басты суретін "тірілтетін" жүйе әзірлеп жатыр, деп хабарлайды life.ru.
Суреттерді "тірілтуге" мүмкіндік беретін бағдарламаны Тел-Авив университетінің зерттеушілері дайындаған. Жаңа жүйенің жұмыс алгоритмі әлі де жетілдірілу үстінде, бірақ қазірдің өзінде сауалнамаға қатысқандардың жартысы анимацияны адамдардың шынайы эмоциясына ұқсатқан. Ғалымдар бағдарлама күн өткен сайын жақсарып келе жатыр дейді.
Болашақта фейсбук суреттерді «лайктарға» ғана емес, жіберілген хаттарға да реакция білдіруге үйретуді жоспарлап отыр.
