АСТАНА, 12 қараша — Sputnik. Антициклонның әсеріне байланысты бүгін Қазақстанның басым бөлігінде күн ашық болады, тек батыс пен шығыста жауын-шашын түседі. Республиканың кей жерлерінде жел күшейіп, тұман түседі, көктайғақ болады, деп хабарлайды «Қазгидромет» РМК.
Жамбыл, Қызылорда облысының кей жерлерінде тұман түсіп, жел 15-20 м/с күшейеді.
Оңтүстік Қазақстан облысының кей жерлерінде жел 15-20 м/с күшейеді.
Маңғыстау, Атырау, Қостанай, Қарағанды, Батыс Қазақстан, Ақтөбе, түнде және таңертең Алматы, Солтүстік Қазақстан, Павлодар облысының кей жерлерінде тұман түседі.
Шығыс Қазақстан облысының кей жерлерінде тұман түсіп, көктайғақ болады деп болжанып отыр.
