Алматыда жол апатынан алты адам зардап шегіп, бір бойжеткен қаза тапты

АСТАНА, 11 қараша — Sputnik. Алматыда Құлжа тас жолында Қызыл алаң мен Бұқтырма көшесі арасында жол апаты болды.

Sputnik Қазақстан агенттігіне куәгерлер айтып жеткізгендей, Volkswagen Passat тас жол бойымен оңтүстік бағытта келе жатады, екі Mercedes Sprinter — солтүстік бағытта.

Неге екені белгісіз, Volkswagen Passat қарсы бағыттық қозғалыс жолағына шығып кетіп, әуелі жолаушылар мінген бірінші Mercedes көлігіне соғылады. Кейін Volkswagen шыр көбелек айналып кетіп, екінші Mercedes көлігін қағып, салдарынан дөңгелегі шығып кетіп, ағашқа барып соғылған.

Куәгерлердің айтуынша, Volkswagen Passat жүргізушісі қатты мас болыпты. 

Алты адам ауруханаға жатқызылды. Тағы бір бойжеткен апат орнында көз жұмған.