АСТАНА, 10 қараша — Sputnik. Ресейдің белгілі сықақшы, жазушысы Михаил Задорнов 69 жасында қайтыс болды, деп хабарлайды РИА Новости.
Әртістің қазасы туралы тележүргізуші Регина Дубовицкая хабарлады.
"Иә, шын мәнінде, Михаил Задорнов қайтыс болды. Басқа ештеңе айта алмаймын. Бәрі кенеттен болды", — деді ол.
Қазан айының басында Задорнов әлеуметтік желідегі парақшасында жаңа жылға дейін сырқатына байланысты бірнеше концертін кейінге қалдырып отырғанын хабарлаған болатын.
Задорнов — жазушы-сықақшы, әзілкеш, актер. Америкалықтардың өмір салты мен мәдениетін сықақтауға негізделген монологтары жұрт арасында ерекше танымалдылыққа ие.
2016 жылы әртістің мидің қатерлі ісігіне шалдыққаны белгілі болды.
