АСТАНА, 7 қараша — Sputnik. Энергетика министрі Қанат Бозымбаев жанармай нарығындағы жағдай туралы оның БАҚ-қа берген жауабына көңілі толмаған депутаттардың сөзіне қатысты пікір білдірді, деп хабарлайды Sputnik Қазақстан тілшісі.
Ол мәжілісте көптен таныс әріптестері мен достары бар екенін де айта кетті.
"Депутаттардың бірі менің 18-ші рет түсініктеме бергенімді айтқанын сұрап тұрсыздар ма? Ол бұл сөздің мәтіннен жұлынып алғанын түсінбеген шығар. Өйткені осы жерде сіздермен күліп тұрдық, мен жанармай нарығындағы жағдайды бірнеше рет түсіндірдім. Тағы да айта аламын. Біз бұдан проблема жасамаймыз", — деді Бозымбаев.
Еске сала кетсек, 31 қазанда үкімет отырысынан кейін Бозымбаев елдегі жанармай нарығындағы жағдайдың мән-жайын түсіндірді. Ол журналистер қойған сұраққа жауабын "18-ші рет айтып берейін" деп бастаған еді. Кейін мәжіліс депутаты Михаил Чирков министрдің бұл жауабына көңілі толмай, мемлекеттік органдардың бұқаралық ақпарат құралдарымен қарым-қатынасына қатысты сыни пікір білдірді.
