АСТАНА, 6 қараша — Sputnik. ҚР қаржы министрі Бақыт Сұлтанов RBK банкінің төңірегіндегі жағдайға түсінік берді.
"Ұлттық банкпен жұмыс жүргізіліп жатыр. Үкімет квазимемлекеттік сектормен, кәсіпорындармен бірлесіп мәселені пысықтап жатыр», — деді Сұлтанов журналистерге мәжілістегі үкімет сағатынан кейін.
Айта кетсек, ҚР президенті Нұрсұлтан Назарбаев «Нұр Отан» партиясы саяси кеңесінің кеңейтілген отырысында банктің қазіргі жағдайынан хабардар екенін айтқан болатын.
"Мен бұл мәселені жақсы білемін, онда не болып жатқанын білемін. Өз адамдарын қаржыландыру үшін ұрлық жасаған акционерлердің былығы бұл. Барлығын тәртіпке келтіреміз. Ұрылар тиісті жерде отырады. Оларды ақшаны қайтаруға мәжбүрлейміз. Банктің жұмысын тұрақтандыруға тырысамыз. Әсіресе, жеке тұлғалар өз қаржысын қайтарып алады", — деген еді Назарбаев.
