АСТАНА, 6 қараша — Sputnik. Қазақстан футбол федерациясы ребрендинг жүргізгенін жариялады – бұл шешім Астанада 12 қазанда өткен федерацияның XV Конференциясы кезінде қабылданды.
Қабылданған шешімге сәйкес, Қазақстанның футбол федерациясы атауы мен логотипін өзгертті.
Қазақстанның футбол федерациясының жаңа логотипі
© Photo : ҚФФ баспасөз қызметі
"Логотиптегі федерацияның толық атауы KFF болып қысқартылып, енді халықаралық деңгейде қолдануға ыңғайлы әрі ықшам кейіпке енді", — делінген федерация хабарламасында.
Логотиптің түсі мен негізгі элементтері сақталған: қыран (егемендік нышаны), доп (футбол) және күн (жарқын болашаққа сенім белгісі). 2017 жылдың соңына дейін жаңа үлгіге біртіндеп ауысу жүзеге асырылады.
