АСТАНА, 4 қараша — Sputnik. Синоптиктердің болжауынша, атмосфералық фронттардың өтуіне байланысты республиканың басым бөлігінде ауа райы жауын-шашынды болады. Кей жерлерде жел күшейіп, тұман түседі, көктайғақ болады, оңтүстік-шығыстың кей жерлерінде найзағай ойнап, қатты жел тұрады, деп хабарлайды "Қазгидромет" РМК баспасөз қызметі.
Ақмола, Қарағанды, Шығыс Қазақстан облыстарының кей жерлерінде жел күшейеді – 15-20 м/с, екпіні 23-28 м/с жетеді, Ақмола, Қарағанды облыстарының кей жерлерінде тұман түсіп, көктайғақ болады.
Маңғыстау, Батыс Қазақстан облыстарында тұман түседі.
Қызылорда, Атырау, Қостанай, Солтүстік Қазақстан облыстарының кей жерлерінде тұман түседі, желдің күші 15-20 м/с жетеді, Солтүстік Қазақстан облысының кей жерлерінде көктайғақ болады.
Ақтөбе облысының кей жерлерінде тұман түсіп, көктайғақ болып, күндіз жел күшейеді – 15-20 м/с.
Павлодар облысының кей жерлерінде жел 15-20, күндіз екпіні 23-28 м/с жетеді, түнде кей жерлерінде тұман түсіп, көктайғақ болады.
Оңтүстік Қазақстан облысында жел 15-20, кей жерлерінде екпіні 23-28 м/с күшейеді.
Алматы облысының кей жерлерінде күндіз, Жалаңашкөл ауданында түнде жел 15-22 м/с күшейеді.
Жамбыл облысының кей жерлерінде найзағай ойнап, тұман түседі, бұршақ жаууы мүмкін, жел 15-20, екпіні 23-28, оңтүстік-батыс облысында 30 м/с асады.
