АСТАНА, 31 қазан — Sputnik. Қазгидромет алдағы үш күнге ауа райы болжамын ұсынды, деп хабарлайды Sputnik Қазақстан.
Демалыс күндері кейбір облыстарда ауа температурасы 3-9ºС климаттық нормадан жоғары болды. Синоптиктердің айтуынша, Иран аймағынан Қазақстанға және Батыс Сібірге жылы ауа массаларының ығысуына байланысты күн жылынды.
"Алдағы үш тәулікте жылы, кей жерлерде жауын-шашынды ауа-райы оңтүстік және шығыс облыстарда сақталады. Батыс және солтүстік-батыс облыстарға Ресейдің еуропалық бөлігінен ақырындап суық және дымқыл ауа массалары ығыса бастайды. Сондықтан мұнда жауын-шашын, дымқыл қар, тұман, көктайғақ болып, біртіндеп ауа температурасы төмендейді", — деп хабарлайды Қазгидромет.
