АСТАНА, 28 қазан — Sputnik. Қазақстан Республикасы Сыртқы істер министрлігінің Каталония автономдық қоғамдастығындағы ахуалға байланысты мәлімдемесі жасады.
Министрлік хабарлағандай, Қазақстан Каталония автономды қоғамдастығындағы ахуалды Испанияның айрықша ішкі жағдайы ретінде қарастырады және мәселе қатаң түрде Испанияның қолданыстағы заңнамасы шеңберінде өрбуі тиіс деп санайды.
"Испания Корольдігімен қарым-қатынастарда Қазақстан бұл елдің егемендігі мен аумақтық тұтастығын құрметтеу қағидатын ұстанады", — делінген мәлімдемеде.
