АСТАНА, 24 қазан — Sputnik. Бүгін атмосфералық фронттардың өтуіне байланысты Қазақстанның басым бөлігінде жауын-шашын болады, тек оңтүстік, оңтүстік-шығыста, солтүстік-батыста және шығыста ауа райы жауын-шашынсыз, деп хабарлайды Қазгидромет.
Республиканың кей жерлерінде жел күшейіп, тұман, көктайғақ болады деп болжанып отыр.
Ақмола облысының түнде кей жерлерінде, күндіз басым бөлігінде желдің күшеюі 15-20, екпіні 25 м/с болады, кей жерде көктайғақ, түнде және таңертең тұман түседі.
Солтүстік Қазақстан облысының кей жерлерінде желдің күшеюі 15-20, күндіз екпіні 25 м/с, тұман, көктайғақ болады.
Павлодар облысының кей жерлерінде күндіз желдің күші 18 м/с-ға жетеді, түнде және таңертең тұман түседі.
Батыс Қазақстан, Ақтөбе, Қостанай облыстарының кей жерлерінде желдің жылдамдығы 15-20 м/с, тұман, көктайғақ күтіледі.
Күндіз Жамбыл, Қызылорда, Атырау облыстарының кей жерлерінде желдің жылдамдығы 15-20 м/с жетеді.
Маңғыстау облысының кей жерлерінде желдің жылдамдығы 15-20 м/с, найзағай болады.
Қарағанды, Шығыс Қазақстан областырында тұман түсуі ықтимал.
