Қазақстан және Қырғызстан үкімет басшыларының кездесуі қалай өтті?

Сапар Исаков Қырғызстанның үкімет басшысы ретінде Астанаға алғаш рет іссапармен келді.

Қырғыз Республикасының премьер-министрі Сапар Искаковпен бірге Қазақстанға қырғыз үкіметінен 30 ресми өкіл келді.

Қырғыз тарабы Қазақстан премьер-министріне қоңырау шалып, нәтижесінде кездесу ұйымдастырылған.

"Қазақстан президенті Нұрсұлтан Әбішұлы Назарбаев атап өткендей, бауырлас қос мемлекеттің қарым-қатынасы үлгі тұтарлықтай болып, өңірдегі өзара тиімді ықпалдастық деңгейінде болуы тиіс", - деді Қазақстан премьер-министрі Бақытжан Сағынтаев.

ездесуде шекаралық, көліктік, фитосанитарлық және ветеринарлық бақылау салаларындағы екі жақты экономикалық қарым-қатынастардың өзекті проблемалары талқыланды.

Қырғызстаннан келген делегация Қазақстанның министрлер кабинеті мүшелерімен бірқатар мәселелер бойынша егжей-тегжейлі әңгіме жүргізді.

Қазақстан үкіметінің мәліметінше, Сапар Исаков Қырғызстанның өз міндеттіліктерін орындау мәселесін салиқалы түрде шешіп, Еуразиялық экономикалық одақ кеңістігінің экономикалық мүддесін орындауға уәде берді.

"Біз конструктивті диалогқа дайынбыз. Шешілмейтін мәселе жоқ деп ойлаймын, бастысы сындарлы негізде қарастырылуы тиіс", - деп атап өтті Сапар Исаков.

Сағынтаев атап өткендей, кедендік және салықтық басқарудың түйткілді мәселелері ЕАЭО нормалары мен ережелерін ескере отырып қаралды. "Мәселен, біздің кедендік органдар анықтағандай, қырғыз импортшылары Қытайдан әкелінген тауарларды Қазақстан аумағы арқылы өткізгенде дұрыс мағлұмдамауы орын алған. Соның кесірінен біз тікелей шығынға батып отырмыз", - деп атап өтті ҚР үкімет басшысы.

Келіссөздер қорытындысы бойынша, Қазақстан мен Қырғызстан үкімет басшыларының біріні орынбасарларының төрағалығымен жұмыс тобын құруға шешім қабылданды.

Жұмыс тобы бес күн ішінде бірлескен Жол картасын жасап шығаруы тиіс.

Тараптар 19 қазан сағат 00:00-ден бастап жүгі бар жеке тұлғалар, тұрақты жолаушылар рейстік көліктері, жеңіл көліктер және бос жүк көліктері үшін қазақ-қырғыз мемлекеттік шекарасынан өту тәртібін қамтамасыз етуге келісті.