АСТАНА, 17 қазан — Sputnik. Жанармай сатумен айналысатын компанияларға қатысты жүргізілген антимонополиялық тексерістің нәтижесінде 607 миллион теңге көлемінде әкімшілік айыппұл салынып, 350 миллион теңге көлеміндегі монополиялық кірістен айырылуы мүмкін. Бұл жөнінде ҚР үкіметі отырысының қорытындысы бойынша өткізілген баспасөз конференциясы кезінде Ұлттық экономика вице-министрі Руслан Дәленов хабарлады.
"Мұнай өнімдері бойынша 2016 жыл мен 2017 жылдың сәуір айы аралығында тергеу жұмыстары жүргізілді.
Оның қорытындысы бар, санкциялар да бар. бұл санкцияларға қатысты сотқа шағым түсірілді. Жұмыс барысы түрлі деңгейде қарастырылып жатыр. Бұл 607 миллион көлеміндегі айыппұл төлеу мен 350 миллион теңге көлемінде монополиялық кірістен айыру болып отыр", — деп атап өтті Дәленов.
Мұндай ереже бұзушылықтар Астана, Алматы қалары мен Ақмола, Қарағанды облыстарындағы ірі кәсіпорындарда анықталды. Олардың қатарында "ҚазМұнайГаз Өнімдері", "Helios", "Есиль" ЖБ, "ABN-Trade", "BI-Petroleum"ЖБ, "Газойлпром", "Мұнай Company", "Oil бар.
