АСТАНА, 11 қазан – Sputnik. Қазақстан бокс федерациясы кубогына қатысудан бас тартқан спортшылар әлем чемпионатына қатысуға жіберілмеуі мүмкін, деді Қазақстан бокс федерациясының президенті Тимур Құлыбаев.
"Атқарушы комитеттің бюросында нақты шешім қабылданды. Кейбір облыстық әкімдіктер командаларды жарысқа жіберуге қатысты қаражат бөлмейді. Осыған байланысты, Қазақстан бокс федерациясы кубогына қатыспаған командалардың спортшылары әлем чемпионатына жіберілмейді. Осыған орай, облыстық спорт басқармасы қатысты – командалар Кубокқа қатысуы керек", – деді Құлыбаев Қазақстан бокс федерациясының жылдық конференциясы кезінде.
