АСТАНА, 9 қазан — Sputnik. Мемлекеттік тілді латын әліпбиіне ауыстыру жөніндегі жобаны жүзеге асыруға қатысты жұмыс тобы Қазақстан президентіне латын графикасындағы қазақ әліпбиінің біркелкі стандарты жобасын ұсынды, деп хабарлайды Ақорда баспасөз қызметі.
Қазақстан Президенті, мемлекеттік тілді реформалау қоғамдық сананы жаңғырту бағдарламасының маңызды мәселесі болып табылатынын атап өтті.
"Бұл күндері қоғамда қазақ тілінің жаңа әліпбиіне қатысты мәселе қызу талқыланды. Көптеген адамдар бұған өз үлестерін қосты. Латын графикасына ауысу еліміз тәуелсіздік алған кезде туындаған еді. Қазақ жазуының латынға ауысуы үнемі менің бақылауымда болып келді", — деді Нұрсұлтан Назарбаев.
Бұл ретте Елбасы бұл процестің тарихи маңыздылығын атап өтіп, осы шоғырланған мәселеге қатысты нақты шешімдер қабылдау қажеттілігін көрсетті.
