Қоғам

Дүйсенова Атамбаевтың зейнетақы мөлшері туралы айтқан сөзіне жауап берді

© Sputnik / Александр Кряжев / Медиабанкке өтуЗейнетақы алу
Зейнетақы алу - Sputnik Қазақстан
Жазылу
НовостиTelegram
Қырғызстан президенті Алмазбек Атамбаев Қазақстанда зейнетақы мөлшері елдегі ішкі жалпы өнімге сәйкес келмейтінін айтқан еді

АСТАНА, 9 қазан — Sputnik. ҚР Еңбек және халықты әлеуметтік қорғау министрі Тамара Дүйсенова қырғыз елі басшысының сөзіне қатысты пікір білдіре отырып, әлеуметтік төлемдердің мөлшері Қазақстанның ішкі мәселесі екенін айтты, деп хабарлайды Sputnik Қазақстан тілшісі. 

Мәулен Әшімбаев - Sputnik Қазақстан
Саясат
Әшімбаев президент Атамбаевтың сөзі туралы: сыртқы саяси күштердің ықпалы жоқ

"Қазақстан мен Қырғызстан әрқашан бірін-бірі материалдық тұрғыдан сол жағдайын қабылдайтын, бірін-бірін қолдап, көмек көрсететін. Әлеуметтік төлемдердің мөлшері мен оның деңгейі – бұл әрбір мемлекеттің ішкі мәселесі. Біз ешқашан басқа мемлекеттен төлемдердің мөлшері неге осындай деп сұрамаймыз. Әлеуметтік көмек пен қолдауға жұмсалатын шығыстар Қазақстанның ішкі жалпы өнімінің 4,2%-н құрайды. Қырғызстанда бұл басқа процесс. Біз ол туралы айтып, сынамаймыз ғой, өйткені бұл әр мемлекеттің ішкі мәселесі", — деп мәлім етті Тамара Дүйсенова бүгін БАҚ өкілдеріне. 

Министрдің сөзіне сүйенсек, Атамбаевтың еліміздегі зейнетақы мөлшеріне қатысты айтқан мәліметі шындыққа сәйкес келмейді. 

"Бүгінгі күні Қазақстанда зейнетақы мөлшері әріптестерімізбен салыстырғанда 2,6 есе көп. Бірінші қаңтардан бастап базалық зейнетақы қайта қаралады. Сонда келесі жылы айырмашылық 3,5 еседей болады", — деді Дүйсенова. 

Досым Сәтпаев - Sputnik Қазақстан
Саясат
Сәтпаев Атамбаевтың сөзі туралы: мұндай батылдық сайлау алдындағы әбігермен ғана байланысты емес

Еске сала кетейік, Қырғызстан президенті Алмазбек Атамбаев Қазақстанның басшылығын 15 қазанда өтетін президент сайлауы процесіне килігіп отыр деп айыптап, еліміздегі байлықтың ұрланып жатқанын мәлімдеген болатын. Ол Қазақстандағы зейнетақы мөлшері ішкі жалпы өнімі көрші елден сегіз есе көп бола тұра, Қырғызстаннан бар болғаны бір жарым есе ғана көп екеніне таңғалады. 

Қазақстанның сыртқы істер министрлігі Атамбаевтың мәлімдемесіне наразылық білдіріп, мұндай арандатушылық сөздер екі елдің арасындағы ғасырлар бойы қалыптасқан достық пен бауырластық қатынасқа өз кесірін тигізбейтініне сенім білдірді. 

 

Жаңалықтар
0