АСТАНА, 4 қазан — Sputnik. Ауа райы суытқан сайын қатты отынның бағасы шарықтап өсіп жатыр. Қазақстандық сатып лаушылар оның қымбаттығына емес, оның тапшылығына алаңдап отыр.
Көмірді іздеу жолында
Шұбаркөл көмірі қазақстандықтар арасында өте танымал, әрі сұранысқа ие. Себебі одан күл аз шығып, сапалы болып келеді. Алайда, оны бүгінгі күні Астанадан тауып алу мүмкін емес.
"Бірнеше күннен бері Шұбаркөл көмірі ешқайда жоқ. Астанада қазіргі уақытта көмір тапшы болып отыр. Енді үйімізді қалай жылытамыз?", — дейді Астана тұрғыны әлеуметтік желі беттерінде.
Аймақтарда да осындай проблема орын алған: Шымкентке тапсырыстың көп болуы салдарынан көмір жеткізілмей отыр.
Жергілікті тұрғындардың айтуынша, қыс жақындаған сайын, көмірдің алып-сатарлары "тапшылықты" қолдан жасап отыр.
Көмірдің көтерме саудасымен айналысатын компания мәліметтеріне байланысты, көптеген жеткізушілер үшін он жылдан бері "Шұбаркөл Көмір" АҚ тікелей жұмыс жасау мүмкін емес.
"Шұбаркөл Көмір" компаниясының нақты үш-төрт дилері бар. олардан басқа ешкім нақты территорияларда жұмыс жасай алмайды. Ол алдын-ала бөлініп қойған. Біреулер – солтүстікте, келесілері – оңтүстікте жұмыс жасайды. Біз тек бір дилерден сатып алып, ары қарай сатуды жасай аламыз. Басқа таңдау жоқ", — деді жеткізуші.
Оған қоса, бүгінгі таңда компания Ақтөбе облысына көмір тасымалдауға қажетті вагондар саны "Қазақстан темір жолы" АҚ тарапынан жетіспеушілігінен де өлкедегі көмір тапшылығы туындап отыр.
