АСТАНА, 4 қазан – Sputnik. Алдағы күндері кейбір өңірлерде күн жылынады, деп хабарлайды "Қазгидромет".
"Қазақстанның солтүстік-шығысында орналасқан циклон мен онымен байланысты атмосфералық ауа ағыны Батыс Сібірдің оңтүстігіне ығысады. Оның орнына Қазақстан аумағына Еділден антициклон келеді", — деп хабарлады Қазгидромет.
Осы антициклонның ықпалымен алдағы үш тәулікте батыс облыстарда ауа райы жауын-шашынсыз болады. Сондай-ақ ауа температурасы жоғарылауы мүмкін.
"Республиканың басқа аумағында, антициклонның шығысқа қарай жылжуына байланысты жауын-шашын тоқтайды. Бірақ ауа температурасы 7 қазан күні және тек оңтүстік облыстарда жоғарылауы ықтимал", — дейді синоптиктер.
