Экономика

Бозымбаев бензин бағасы неге байланысты болатынын айтты

© Sputnik / Алексей Сазонов / Медиабанкке өтуЖанармай бекеті
Жанармай бекеті - Sputnik Қазақстан
Жазылу
НовостиTelegram
Энергетика министрлігі бензин бағасы қашан тұрақталатынын хабарлады

АСТАНА, 3 қазан — Sputnik. АИ-92 бензинінің бағасы жыл соңына қарай тұрақталады, деп хабарлады энергетика министрі Қанат Бозымбаев.

"АИ-92  бензині бойынша импорт үлесін қарашада 30%-ға және желтоқсанда 20%-ға қысқартуды жоспарлап отырмыз. Қазан айының соңында жағдай қалыпты болып, қараша, желтоқсанда бензин бағасы тұрақталады деген ойдамыз", — деді Бозымбаев үкімет отырысында. 

Бұл ретте премьер-министр Бақытжан Сағынтаев бензин бағасы қалай болатынын сұрады.

Жанармай - Sputnik Қазақстан
Экономика
Қазақстанда АИ-92 бензинінің бағасы қаншаға өсуі мүмкін?

"Сіз қараша, желтоқсанда 20 %-ға дейін импортты қысқартамыз дедіңіз. Солай ма? Ал бензин бағасы төмендей ме?", — деп сұрады Сағынтаев.

"Баға тұрақталады", — деп жауап берді министр.

"Егер импорт қысқарса, бағасы да арзандауы тиіс қой?", — деп тағы сұрады үкімет басшысы.

"Бәрі осы 20%-дың бағасы Ресейде қалай болатынына байланысты. Еге қазіргідей тоннасы 560 доллар деңгейінден болса, онда ішкі нарықта бензин бағасы төмендеуі мүмкін. Егер баға көтерілсе, осы жиырма пайыз да ықпал етеді", — деді Бозымбаев. 

Сағынтаев ұлттық экономика министрі Тимур Сүлейменовке монополияға қарсы қызметтердің жағдайға мониторинг жасап отыруын тапсырды.

Министрдің ақпараты бойынша республика бойынша АИ-92 бензинінің орташа бағасы қаңтарда литрі 135 теңге болды, қыркүйекте оның бағасы 150 теңгеге дейін өсті. АИ-92 бензині бойынша импорт үлесі шілде айында 15% болса, қыркүйекте 30%-ға жетті. Бұл еліміздегі мұнай өңдеуші зауыттардағы жөндеу жұмыстарына байланысты, салдарынан ресейлік қымбат бензин ішкі нарықта оның қымбаттауына әкеп соқты.

Жаңалықтар
0