АСТАНА, 3 қазан – Sputnik. Танымал қазақ әншісі Димаш Құдайберген Оралда қайырымдылық айлығы аясында қарттар үйінде ән айтты, деп хабарлайды "Мой город" жергілікті басылымы.
Димаш музыкасыз жанды дауыспен шырқады.
"Бүгін алдарыңызда ән салып тұрғаныма қуаныштымын. Шақырғандарыңызға рахмет. Бүгін сіздермен араласып, жақынырақ танысамыз деп үміттенемін", — деп жас әнші жиналған қауыммен амандасты.
Оралда қарттар үйінде 547 адам тұрады екен.
Басшылықтың айтуынша, қариялар қонақтардың келуін асыға күтіп жүреді. Өйткені бұл күндері оларға киім-кешек, азық-түлік және басқа да тұрмысқа қажетті заттар береді.
