Алматы облысында тұрғын үй өртеніп кете жаздады

АСТАНА, 1 қазан — Sputnik.Алматы облысы Жансүгіров ауылында жексенбі күні көппәтерлі тұрғын үйден өрт шықты, деп хабарлады ҚР ІІМ Төтенше жағдайлар жөніндегі комитеттің ресми өкілі Руслан Иманқұлов.

Өрт сағат сегіз кезінде он алты пәтері бар тұрғын үйде шыққан. Оқиға орнына өрт сөндірушілер үш минутта жетті.

Өрт сөндірушілер жеткен кезде ғимараттың ағаш шатыры өртеніп жатқан, тіпті екінші қабатты да шарпи бастапты.

Отыз екі адам ғимараттан шығарылды. Өрт салдарынан сегіз пәтерге зиян келген.

Құрбандар мен зардап шеккендер жоқ.