АСТАНА, 29 қыркүйек – Sputnik. Алматы полициясы көлік жүргізушілерін қатқаққа дайындалып, қысқы дөңгелектерін айырбастауға шақырады.
Қазгидромет мәліметіне сәйкес, 29 және 30 қыркүйекте, 1 қазанда Қазақстанның бірнеше өңірінде, оның ішінде Алматы облысында қар аралас жаңбыр жауады. Ауа температурасы 1-6 градусқа нөлден төмендейді.
"Алматы қаласы ішкі істер департаменті жүргізушілерден көліктерін уақытылы дайындап, қысқы дөңгелектерін салуға кеңес береді. Ең бастысы – жол жүру ережесін бұзбай, жүргізуші мәдениетін көтеруді сұрайды", — деп атап өтті полиция.
