АСТАНА, 28 қыркүйек — Sputnik. Ақмола облыстық соты қылмыстық істер бойынша коллегия төрайымы Жанна Бердығұлованың өлімі туралы іс сотқа келіп түсті.
Облыстық прокуратура мәліметінше, қылмыстық іс Ақмола облысы қылмыстық істер бойынша мамандандырылған ауданаралық сотына жіберілген.
"Кісі өлтіруден бөлек, сотталушыға жәбірленушінің жеке мүлкі мен қызметтік куәлігін ұрлады деген айып тағылған. Айта кеткеніміз жөн, қылмыскердің әрекетінде аса қауіпті қылмыстың қайталануы байқалады, себебі ол бұрын да ауыр қылмыс үшін сотталған", — делінген хабарламада.
Қадағалау ведомствосы атап өткендей, істің соңғы нүктесін сот қояды.
