АСТАНА, 25 қыркүйек – Sputnik. Боксшы Рахат Маржықпаев және оның бапкері Ерік Маржықпаев Қазақстандық бокс федерациясы турнирі кезінде төрешіні соққыға жықты. Ендігі кезде олардың екеуі де жарысқа қатысу құқығынан айырылады, деп хабарлады бокс федерациясының баспасөз қызметі.
Федерация мәліметтеріне сәйкес, Рахат Маржықпаев турнир кезінде Астананың атынан шыққан және ¼ финал жекпе-жегінің кезінде жеңіс оның қарсыласы Аман Қазанғаповқа берілді. Бұл шешім оның бапкерінің көңілінен шықпаған сыңайлы. Ерік Маржықпаев төрешіге жақындап, оның басы мен ішіне бірнеше соққы бағыттайды. Төреші Амангелді Ақшолақов оған қарсы жауап береді. Өзінің бапкеріне көмек көрсету үшін жеңілген спортшы да келіп, төрешіге бірнеше соққы жасайды.
"Шыны керек, мен мұндайды күтпедім. Менің тәжірибемде бұл алғаш рет болып отыр, — деді Ақшолақов. Бұл жанжалдың басты себебі, бапкер өзінің үйретушісінің екінші нокдаун кезін көрмей қалып, спортшының жеңілуін әділетсіз деп ойлаған. Бірақ кейіннен бапкер маған келіп кешірім сұрады. Адам ретінде мен оны түсінемін, бірақ, мұндай әрекеттер жазасыз қалмауы керек", — деп есептейді төреші Амангелді Ақшолақов.
