АСТАНА, 25 қыркүйек – Sputnik. Америка Құрама Штатттары азаматтарының ел аумағына кіруіне тыйым салынған мемлекеттер санын көбейтті, деп хабарлайды РИА Новости.
Президент Дональд Трамптың өкімімен Венесуэла, Солтүстік Корея және Чад мемлекеттерінің азаматтарына АҚШ-қа баруына тыйым салынды. Тыйым 18 қазаннан бастап күшіне енеді. Сонымен бірге, бұл қара тізімнен Судан елі алынып тасталды.
Тізімдегі бар мемлекеттер: Иран, Йемен, Ливия, Сирия және Сомали.
"Менің басты мақсатым – Американың қауіпсіздігін сақтау. Біз қауіпсіз іріктеуді қамтамасыз ете алмайтын азаматтарды елімізге кіргізе алмаймыз", — деп түсіндірді Дональд Трамп Twitter парақшасында.
