Қоғам

Қазақстан мен Ресей транзиттік жолаушылары үшін шекаралық бақылау жойылды

© Sputnik / Сергей Мамонтов / Медиабанкке өтуШекаралық бақылау қызметкері
Шекаралық бақылау қызметкері - Sputnik Қазақстан
Жазылу
НовостиTelegram
26 қыркүйектен бастап "Тұлпар-Тальго" пойыздары қазақстандық қалалар арасында ресейлік станциялар арқылы күнара жүреді

АСТАНА, 22 қыркүйек — Sputnik. Ресей территориясы арқылы өтетін қазақстандық пойыздар үшін жүргізілетін шекаралық бақылау алынып тасталды, деп хабарлайды Қазақстанның РФ елшілігінің баспасөз қызметі. 

ҚР Ресейдегі төтенше және өкілетті елшісі Иманғали Тасмағамбетов мен РФ сыртқы істер министрінің орынбасары, статс-хатшысы Григорий Карасин Қазақстан-Ресей шекарасы арқылы өтетін жолаушылардың транзитін жеңілдететін құжатқа қол қойды. Биылғы жылы көктемде екі елдің парламенттерінде тиісті хаттама ратификациялаған болатын. 

"26 қыркүйектен бастап, ресейлік Соль-Илецк станциясынан транзитпен өтетін Астана-Орал және Алматы-Орал бағытындағы "Тұлпар-Тальго" жолаушылар пойыздары өз жұмысын бастайды деп күтілуде. Мерзімді жол қатынасы күн ара болады", — делінген хабарламада. 

Қазақстан елшісі Иманғали Тасмағамбетов жаңа өзгерістер іскерлік және туристік  байланыстардың дамуына ықпал етіп, Қазақстан мен Ресейдің шекаралық облыстарының тұрғындары үшін байланыс орнату жеңілдейтінін атап өтті. 

Жолға қанша уақыт кетеді? 
Қазақстанның Инвестиция және даму министрлігінің мәліметі бойынша, қазіргі уақытта Астана — Орал және Алматы — Орал қатынайтын жүрдек пойыздардың жылдамдығы төмен. Астана мен Орал қаласы арасындағы жол ресейлік Соль-Илецк станциясы арқылы өтетін жол 36 сағатты құрайды. 
"Алдағы уақытта осы бағытта "Тұлпар-Тальго" пойыздарын жіберген соң, бұл уақыт 13-14 сағатқа қысқарады", — деп мәлімдеді ҚР Инвестиция және даму министрі Женіс Қасымбек. 
Қазіргі уақытта Қазақстан территориясы арқылы тәулігіне ресейлік 33 пойыз ал Ресей территориясы арқылы төрт қазақстандық пойыз өз жолаушыларын тасымалдайды. 


Жаңалықтар
0