Салынып жатқан ғимараттың қабырғалары құлап, Өзбекстанның екі азаматы үйінді астында қаза тапты. Үшінші зардап шеккен азамат аяғынан айырылды, қазір жасанды комада жатыр.
Жұмысшылар құрылыс жанындағы гаражда тұрса керек. Үйіндінің қасында электр шәйнектері, құрылыс киімдері жатыр, алаңдағы жіпке кір жайып қойыпты.
Кеңселік ғимараттың құрылысы биыл маусымда басталған еді. Нысан паспортына сай 2018 жылы ақпанда аяқталуы тиіс болатын.
Жүктеу-тасу жұмыстарына жауап беретін құрылыс нысанының басшысы ұсталды, ішкі істер департаментінің тергеу басқармасы сот алды тергеу амалдарына кірісіп кеткен.
Тергеу мәліметі бойынша, аражабын тақталар құрылыс материалдарының салмағына шыдамай, ғимарат опырылып құлаған.
