АСТАНА, 15 қыркүйек – Sputnik. Халықаралық мамандандырылған ЭКСПО-2017 көрмесін өткізу кезінде Астанада қылмыс саны азайды, деп хабарлады Елорда әкімі Әсет Исекешев.
Оның айтуынша, қосымша бейнебақылау камераларын орнату оған әсер еткен бірден-бір фактор екені анық.
Әкім ЭКСПО-2017 көрмесін ұйымдастыру және өткізу шараларына ат салысқан үздік қызметкерлерді марапаттау рәсімінде сөйлеген сөзінде: "Есеп беру уақыты аралығында 2178 бейнебақылау камералары орнатылды, нәтижесінде Астанада қылмыс деңгейі азайды. 2017 жылдың 8 айының ішінде тіркелген қылмыстар көлемі 18 % төмендеді", — деді.
