АСТАНА, 11 қыркүйек — Sputnik. Алматы полициясы жаяу жүргіншіні қағып, оқиға орнынан қашып кеткен жүргізушіні ұстады, деп хабарлайды қаланың ішкі істер департаменті баспасөз қызметі.
Жол апаты 9 қыркүйекке қараған түні Түріксіб ауданында болған. Сейфуллин даңғылында жүргізуші жаяу жүргіншіні қағып оқиға орынан қашып кетті.
Полиция атап өткендей, түн іші болса да оқиға куәгерлері бірден табылыпты, солардың сөзіне сүйенсек, ер адамды шамамен қара түсті Mazda көлігі қағып кеткен.
"Жаңа технологияларды қолданып, бақылау камераларының көмегімен ер адамды қаққан көлікті анықтадық. Көлік иесі жасаған ісін мойындап, тергеушілер қолына берілді", — деп хабарлады жергілікті полиция қызметі басшысы Ерік Насырбеков.
Зардап шеккен азаматтың хәлі ауыр, жансақтау бөлімінде жатыр, кім екені әзірге анықталған жоқ.
