Алматыда Nissan мен мотоцикл соқтығысты, зардап шеккендер бар

АСТАНА, 8 қыркүйек — Sputnik. Мотоцикл мен жеңіл көлік соқтығысып, екі адам зардап шекті.

Жол апаты Абай даңғылы мен Фурманов көшесі қиылысында болған. Оқиға куәгерлері Sputnik Қазақстан агенттігіне айтып бергендей, Kawasaki мотоциклі Абай даңғылымен шығыс бағытта кетіп бара жатады, ал Nissan Teana – Фурманов көшесімен солтүстік бағытта. Nissan Teana жүргізушісі қызыл жарыққа тоқтамай, Абай даңғылын кесіп өтпек болған. Мотоцикл жүргізушісі бар жылдамдықпен келіп жеңіл көлікті бүйірден соққан.

Жол апаты салдарынан екі адам зардап шекті – мотоцикл жүргізушісі мен оның жолаушысы. Екеуі де ауруханаға жатқызылды.

Оқиғаның мән жайын Алматы полициясы анықтайды.