АСТАНА, 2 қыркүйек – Sputnik. Республиканың солтүстігі мен солтүстік-шығысында түнде өткінші жаңбыр жауып, күн күркірейді, еліміздің қалған бөлігінде ауа райы жауын-шашынсыз болады, деп хабарлайды Қазгидромет.
Республиканың кей жерлерінде жел тұрып, батысы, оңтүстігі мен оңтүстік-шығысында шаңды дауыл соғады, солтүстігінде кей жерлерде – тұман.
Ақмола облысында кей жерлерде желдің екпіні 15-20 м/с, түнде және таңертең күн күркіреп, тұман түседі.
Павлодар облысында кей жерлерде тұман түседі, түнде күн күркірейді.
Оңтүстік Қазақстан облысында, күндіз Қызылорда, Атырау облыстарында кей жерлерде желдің екпіні 15-20 м/с, шаңды дауыл соғады.
Жамбыл облысында – кей жерлерде шаңды дауыл соғып, таңертең және күндіз желдің екпіні 15-20 м/с.
Солтүстік Қазақстан, Маңғыстау облысында түнде және таңертең кей жерлерде тұман түседі.
Шығыс Қазақстан облысында кей жерлерде желдің екпіні 15-20 м/с.
Күндіз Атырау, Ақтөбе облыстарында аптап ыстық, кей жерлерде одан да аптап ыстық болады.
Қызылорда, Алматы, Маңғыстау, Батыс Қазақстан облыстарында, Жамбыл, Оңтүстік Қазақстан, Қарағанды облыстарында кей жерлерде аптап ыстық.
