АСТАНА, 31 тамыз — Sputnik. Алматы-Көкпек-Көктал тас жолында орын алған жол-көлік оқиғасында екі жас қыз қайтыс болды.
Оқиға 29 тамызда Қаратұрық ауылының маңында орын алды. Алматы қаласының 19-жасар тұрғыны жүргізген Chevrolet Aveo автокөлігі жол бойында қоршалған бетон қабырғаға соғылған. Оқиға орнында көліктің жолаушылары, 19-жасар екі қыз көз жұмды.
Жүргізуші қыз жеңіл жарақат алып, ауруханаға барудан бас тартқан.
Оқиға бойынша ҚР ҚК 4-бөлімі 345-бабы бойынша іс қозғалды. Іс облыстық тергеу істерінің басқармасының қарамағына берілді. Бірқатар сараптамалар белгіленді.
