Қазақстан көкпардан әлем чемпионы атанды

АСТАНА, 27 тамыз — Sputnik. Қазақстандық шабандоздар көкпардан әлем чемпионы атанды, олар ақтық ойында Қырғызстан командасын 4:1 есебімен ұтты.

Отандық жанкүйерлер әлем ойындарында қазақстандықтар ойсырай ұтылғаннан бері осы кездесуді асыға күтіп жүрген болатын.

Бірінші таймда отандастарымыз үш ұпай салса, соңғы секундтарда қарсыластар бір ұпай алды.

Екінші таймда ойын қыза түсіп, қарсыластар оңайлықпен берісе қоймағанымен, ақыры соңында біздің көкпаршылардың мерейі үстем болды.

Ал, үшінші орынды тәжікстандықтар қанжығасына байлаған екен, олар қытай шабандоздарын шаң қаптырып кетіпті.