АСТАНА, 20 тамыз — Sputnik. Белгілі ресейлік тележүргізуші Иван Ургант "Астана" велокомандасының формасын киіп алды.
Ургант клубтың спорттың киімін не үшін кигенін айтпайды. Тек әлеуметтік желідегі фотоның астына әзіл жазу қалдырған: "Казахское кватроченто #вожиданииавтобуса".
"Кватроченто" термині XV ғасырдағы итальяндық өнердің қарқынды дамуындағы кезеңді білдіреді. Ургант бұл әзіл сөз арқылы фотоны суретшінің туындысы ретінде көрсеткісі келсек керек.
Сурет аз уақытта 200 мыңнан астам "лайк" жинаған.
Үш күн бұрын қазақстандық велоспортшы, ал қазір "Астана" велокомандасының бас менеджері Александр Винокуров инстаграмдағы парақшасында Иван Ургантпен түскен суретін жариялап, жұмыс істеп жатырмыз деп жазған болатын. Бірақ әлі күнге дейін оның қандай жұмыс екені белгісіз.
Өткен жылы Иван Урганттың велоспортты жақсы көретіні және "Астана" велокомандасының жанкүйері екені белгілі болды, сондай-ақ ол Александр Винокуровпен таныс екен.
