Мәдениет

Қазақстанда мүгедектердің өмірінен алынған оқиға туралы фильм түсірілді

© Photo : предоставлено пресс-службой АО "Казахфильм" им. Ш. Айманова"Қыз бен теңіз" фильмінің түсірілімі
Қыз бен теңіз фильмінің түсірілімі - Sputnik Қазақстан
Жазылу
Кинода басты рөлдерді кәсіби емес актерлер ойнады

АСТАНА, 18 тамыз — Sputnik. Қазақстанда мүмкіндігі шектеулі  Әсел есімді қыздың өмірі, махаббатын кездестіріп, отбасын құру тралы арандары жайлы толық метражды фильм түсірілді, деп хабарлайды Шәкен Айманов атындағы "Қазақфильм" киностудиясының баспасөз қызметі. 

"Қыз бен теңіз" атты толықметражды көркем фильмнің түсірілімдері аяқталды. Қазір жоба постпродакшн кезеңінде тұр. Фильмнің түсірілімдері Алматы қаласында және Қапшағай жағалауында өткен. Фильмге түскендердің   барлығы дерлік кәсіби актерлер емес, мүмкіндігі шектеулі адамдар (БЦП диагнозы және психикалық даму бөгелесі бар). Ал бас кейіпкердің әпкесі рөліне театр және кино актрисасы Гүлбахрам Байбосынова шақырылған. 

© Photo : предоставлено пресс-службой АО "Казахфильм" им. Ш. Айманова"Қыз бен теңіз" фильмінің түсірілімі
Қыз бен теңіз фильмінің түсірілімі - Sputnik Қазақстан
1/3
"Қыз бен теңіз" фильмінің түсірілімі
© Photo : предоставлено пресс-службой АО "Казахфильм" им. Ш. Айманова"Қыз бен теңіз" фильмінің түсірілімі
Қыз бен теңіз фильмінің түсірілімі - Sputnik Қазақстан
2/3
"Қыз бен теңіз" фильмінің түсірілімі
© Photo : предоставлено пресс-службой АО "Казахфильм" им. Ш. Айманова"Қыз бен теңіз" фильмінің түсірілімі
Қыз бен теңіз фильмінің түсірілімі - Sputnik Қазақстан
3/3
"Қыз бен теңіз" фильмінің түсірілімі
1/3
"Қыз бен теңіз" фильмінің түсірілімі
2/3
"Қыз бен теңіз" фильмінің түсірілімі
3/3
"Қыз бен теңіз" фильмінің түсірілімі

"Қыз бен теңіз" фильмінің негізі өмірден алынған оқиғадан тұрады. Бас кейіпкер қыз АРДИ мүгедек балалары бар ата-аналар ассоциациясы оңалту орталығының тәрбиеленушісі Динара Шәріпова.

"Ақ жарқын, еңбекқор, көмек қолын әрдайым созуға дайын тұратын Динара өте өжет. Фильмдегі бас кейіпкердің есімі Әсел. Оның бар арманы — махаббатын кездестіріп, отбасын құру және бала табу. Әлеуметтік фильмдерді түсіруден ұққаным, мүмкіндігі шектеулі жандарға кинематограф арқылы келген арт-терапияның әсері инклюзивті (барлығы қамтылған)болатынын түсіндім. Әлеуметтік бағытта түсірілген "Быть или не быть?" және "Қыз бен теңіз" жобаларынан кейін біздің "актерлеріміздің" қалай өзгеріп, өздеріне деген сенім пайда болғанын байқадым. Соның арқасында қоғам өміріне именбей араласуға дайын екендері көрініп тұр. Өзім балалар үйінде тәрбиеленгендердің бірімін. Маған кезінде өмірге деген құштарлықты үйреткен осы өнер, кинематограф. "Қыз бен теңіз" фильмі көрермендерге мүмкіндігі шектеулі адамдардың қандай қиындықтармен кезігіп, қандай қиындықтарды бастан кешіріп отырғандарын көрсетеді. Көрермендер біздің кейіпкерлерді қөру арқылы адам мүмкіндіктерінің шектеусіз екенін түсінеді және өздеріне деген сенім ұлғая түседі деп ойлаймын. Біз, авторлар, гуманистік және жасампаз мағына беретін бұл фильм отандық көрермендердің ғана емес, сондай-ақ, шетелдіктердің де көңілінен шығады және халықаралық кинофестивальдерден өз бағасын алады деп үміттенемін. Болашақта тек осы сипаттағы фильмдерді ҚР Мәдениет және спорт министрлігі және «Қазақфильм» киностудиясымен бірлесіп түсіретін боламын, — деді фильмнің продюсері Әзизжан Заиров 

Түсірілген материалдарға шығармашылық топтың көңілі толады. Өйткені, бәріміз де осы жобаға барымызды салдық. Түсірілім барысында бір кадрды бірнеше рет қайталап түсіре берген кездеріміз болды. Олай істеген себебіміз, кейіпкерлеріміз қажетті эмоцияны және көңіл-күйін нанымды бере алса екен дедік. Біздің "актерлеріміз" бар талантын салып, өздерінің шығармашылық әлеуетін барынша көрсете алуын қаладық. Ертеңгі күні, фильмді көріп отырған көрермен фильмдегі кейіпкерлердің инва арбаға тағылғанына жаны ашығанынан емес, олардың актерлік ойынына таң-тамаша болғанынан қол шапалақтаса екен деген едік, – деп қосты Азизжан Заиров. 

Фильм туралы: Өзінің жазылмайтын ауруына қарамастан, Әсел есімді бойжеткен отбасын құрып, ана атану үшін өмірдің бар қиыншылығына көнуге дайын. «Арман алға жетелейді» демекші, Әсел барлық қиындықтарға төтеп беріп, жақсылықтан үміт үзбейді.   


Жаңалықтар
0