АСТАНА, 11 тамыз — Sputnik. Шығыс Қазақстан облысында өз үйінен әйел мен оның екі кішкентай қызының денесі табылды, деп хабарлады Sputnik Қазақстан тілшісіне облыстық ішкі істер департаментінің баспасөз қызметі.
34 жастағы әйел мен оның екі қызының денесі бейсенбі Қатонқарағай ауданында Үлкен Нарын ауылында табылды. Үлкен қызы 9 жаста, кішкентай қызы бір жасқа да толмаған.
"Полицейлер ҚР ҚК 99 бабы "Адам өлтіру" бойынша сотқа дейінгі тергеуді бастады. Бірқатар сараптама тағайындалды, жағдайдың мән-жайы анықталып жатыр", — деп хабарлады Sputnik Қазақстан тілшісіне баспасөз қызметі.
Істі тергеу барысы ІІД басшылығының ерекше бақылауына алынған.
