АСТАНА, 9 тамыз — Sputnik. Алда жаңбырлы күндер күтіп тұр, сондай-ақ қатты жел соғып, ауа температурасы төмендейді, деп хабарлайды Қазгидромет.
Республика аумағына Таймыр аудандарынан келетін терең және ылғалды циклон әсер етеді, соның ықпалынан жаңбыр, екпінді жел соғып, ауа температурасы төмендейді.
Кей жерлерде найзағай, енді бір жерде қатты жаңбыр, бұршақ түсіп, қатты жел соғуы мүмкін.
Солтүстік және шығыста ауа температурасы +12…+17 градусқа дейін төмендейді, кей жерлерде +23…+28 жылы, батыс пен оңтүстікте +23…+28, кей жерлерде +33 градусқа дейін жылы болады.
