АСТАНА, 7 тамыз — Sputnik. 8-10 тамызда елімізде аптап ыстықтың беті қайтып, күн салқындайды, деп хабарлайды Қазгидромет.
Антициклонның орнына Таймыр аудандарынан терең және ылғалды циклон келеді, ол Қазақстан аумағына жаңбыр және салқын ауа алып келеді, сондай-ақ кейбір аудандарға бұршақ жауып, екпінді жел соғады.
Солтүстікте ауа температурасы 18-23 градусқа дейін төмендейді, кей жерлерде 26 градусқа дейін жылы, ал батыс, шығыс және оңтүстікте ауа температурасы шамалы төмендеп, 30-38 жылы болады деп болжанып отыр.
Астанада 8 тамызда күн жауын-шашынсыз, солтүстік-батыстан 5-10 м/с жылдамдықпен жел соғады. Ауа температурасы түнде +13+15°С, күндіз +26+38°С.
9 тамызда күндіз күн күркіреп, аздап жауын жауады. Ауа температурасы түнде +13+15°С, күндіз +28+30°С.
10 тамызда күндіз күн күркіреп, аздап жауын жауады. Ауа температурасы түнде +12+14°С, күндіз +23+25°С.
Алматыда 8 тамызда жауын-шашын болмайды. Ауа температурасы түнде +20+22°С, күндіз +34+36°С.
9 тамызда ауа температурасы түнде +20+22°С, күндіз +33+35°С.
10 тамызда күндіз күн күркіреп, аздап жауын жауады. Ауа температурасы түнде +20+22°С, күндіз +33+35°С.
