АСТАНА, 7 тамыз — Sputnik. Қазақстан қор биржасындағы (KASE) таңғы және күндізгі сессия қорытындысы бойынша 8 тамыз, бейсенбіге доллар бағамы 331,67 теңге болып белгіленді.
Осылайша, өткен демалыс күндері теңге 1,69 теңгеге нығайған.
Шетелдік валютаға шаққандағы теңгенің ресми бағамы қор биржасындағы (KASE) екі сессияның қорытындысы бойынша астана уақыты бойынша сағат 15.30-да бекітіледі.
Айта кетсек, дүйсенбі Brent мұнайының бағасы барреліне 52,23 долларға дейін арзандады немесе алдыңғы сессияның нәтижесімен салыстырғанда 0,36%-ға төмендеді.
Сарапшылар мұнай бағасының төмендеуін OPEC+ мониторинг комитеті мүшелерінің алдағы отырысымен байланыстырып отыр. Отырыста мұнай экспорттаушы елдердің ұйымына мүше мемлекеттердің мұнай өндіру квотасы жөніндегі келісімде қарастырылған міндеттемелерді орындау мәселелері талқыланады.
