АСТАНА, 4 тамыз – Sputnik. Балықшы Мұса Хасанов Астана қала маңындағы Нұра-Есіл каналында кездейсоқ балық аулады.
"Балық аулап отырып, балық ұстап алдым, қолыма ұстасам, ол мен тістеп алды, қатты қолымды тістегені соншалықты қанап кетті. Қарасам, біртүрлі балық, бұрын соңды мұндай балық көрген емеспін бұл жерден. Жігіттер (өзге балықшылар) оны пиранья деді. Содай-ақ, ондай балықты мұнда ұстағандарын айтты", — деді Мұса ата Sputnik Қазақстан тілшісіне.
Балықшылардың сөзіне қарағанда, бұл осы жазда қамаққа түскен екінші қызыл пиранья екен. Біріншісін бір ай бұрын осы каналда ұстаған. Олардың болжауынша, жыртқыш балықтарды каналға өз аквариумдары үшін сатып алған бұрынғы иелері жіберген болуы мүмкін деп санайды.
Сондай-ақ балықшылар жыртқыш балықтың жергілікті суда емін-еркін жүргендеріне алаңдаушылық білдіреді, өйткені бұл балық тез көбейіп, топтап жүріп өзге балықтың көбеюіне қауіп төндіреді екен.
