АСТАНА, 28 шілде – Sputnik. Қазақстанның сыртқы істер министрлігі Мысырда ұсталған алты қазақстандық азаматтың жағдайын анықтауды жалғастыруда: Қазақстанның СІМ басшысы Қайрат Әбдірахманов мысырлық әріптесі Самех Шукримен осы мәселені талқылады.
Қос министр қазақстандық тараптың бастамасымен кеше кешкісін телефон арқылы сөйлесті.
"Қазақстан египеттік билік өкілдерінен жас жігіттерді ұстау себептері мен олардың қазір қайда екендігі туралы толығырақ ақпарат беруді сұрайды, сонымен бірге олардың денсаулықтары жайлы да білгісі келеді, деді Қ. Әдірахманов. Қазақстан Елшілігінің консулы мен ұсталғандар арасында байланыс ұйымдастыру қажет", — делінген Қазақстан СІМ хабарламасында.
Шукри қойылған сұрақтардың орынды екенін бағамдап, толық түсіністік танытатындығына сендірді әрі мәселені шешуге барынша көмек көрсетуге уәде берді.
Студенттердің не үшін ұсталғаны әлі анықталған жоқ.
