АСТАНА, 28 шілде – Sputnik. SCAT қазақстандық авиакомпаниясының ұшағы Стамбул әуе айлағында басқа бір ұшақпен соқтығысты, деп хабарлайды "Хабар 24" телеарнасының сайты.
Телеарна мәліметінше, SCAT ұшағы ұшу-қону жолағында оң жақ қанатымен түрік ұшағын қағып кеткен. Екі ұшақ та болар-болмас зақым алды. Ұшақтың ішінде болған адамдар зардап шеккен жоқ.
Қазақстандық әуе компаниясы жолаушылары Ақтауға ұшып келіпті. Ал Turkish Airlines жолаушылары Тайбэйға басқа ұшақпен аттанды.
