АСТАНА, 24 шілде — Sputnik. Алматы облысында үстіне ескі теледидар құлаған кішкентай бала мерт болды, деп хабарлады облыстық ішкі істер департаментінің баспасөз қызметі.
Қайғылы оқиға Алматы облысы Көксу станциясында тұрып жатқан отбасында болды. 23 шілде күні үйдің ауласында ойнап жүрген бір жарым жасар ер баланың үстіне теледидар құлап кеткен. Баланы аман алып қалу мүмкін болмады.
"Көксу аудандық полициясы бұл жағдайды жазатайым оқиға деп тіркеді. Дегенмен, бұл оқиға бойынша міндетті түрде тиісті тексеріс жүргізіледі. Қазір қажетті сараптамалар тағайындалды", — деді полицейлер.
