АСТАНА, 24 шілде — Sputnik. "Астана" футбол клубының шабуылшысы Джуниор Кабанангаға Италия біріншілігінің жоғарғы дивизионы (А сериясы) "Кротоне" клубы қызығушылық танытып жатыр, деп хабарлады осы елдің ең беделді спорт басылымы La Gazzetta dello Sport.
Италияның жоғарғы дивизионының чемпионаты 20 тамызда басталады. "Кротоне" өткен маусымды "Лационы" 3:1 есебімен жеңіп 17-ші орында аяқтады.
Енді итальяндық "қалалықтар" (клубтың атауы команданы ұсынатын қалаға сәйкес келеді) шабуылшы желісін күшейтуді көздеп отыр. Өткен маусымда "Кротоне" А сериясының аутсайдері "Пескардан" аз гол салды. Соңғы 20-шы орынға ие болған команда 37 гол, ал "Кротоне" бүкіл чемпионатта – 34 гол салды.
Итальяндық басылымының деректеріне сәйкес, клубты күшейтудің бір нұсқасы ретінде, "Астана" мен Конго ДР құрамасының шабуылшысы Джуниор Кабанангиді алуды есептейді. Бұл ретте La Gazzetta dello Sport футболшы келісім-шартын сатып алу ма жоқ әлде жалға алу ма нақтыланбайды.
