АСТАНА, 20 шілде – Sputnik. Әлемге әйгілі футболшылар 5-6 тамызда "EXPO 2017 Football Cup" халықаралық футбол турниріне қатысу үшін Астанаға келеді, деп хабарлайды "Астана ЭКСПО-2017" баспасөз қызметі.
Астаналық турнир форматы бойынша "Аңыздар кубогына" ұқсайды, онда команда құрамында 5 ойыншы мен бір қақпашы болуы тиіс.
"Астана-Арена" стадионында Қазақстан, Ресей, Италия, Германия, Португалия құрамалары мен әлем құрамасы кездеседі.
Кевин Кураньи, Дино Баджо, Марко Дельвеккио, Нуну Манише, Яри Литманен, Эрнан Креспо, Жан-Пьер Папен, Роман Широков, Валерий Карпин, Александр Филимонов және тағы басқа футболшылар жанкүйерлерін үздік ойын өрнегімен тәнті етпек.
Бұдан бөлек, 4 тамызда ЭКСПО аумағында жанкүйерлермен кездесу өткізіліп, футболшылар қолтаңбаларын үлестіреді.
