АСТАНА, 18 шілде — Sputnik. Қазақстанның басым бөлігінде атмосфералық фронттардың өтуіне байланысты құбылмалы ауа райы сақталады, деп хабарлады "Қазгидромет" баспасөз қызметі.
Ақмола, Солтүстік Қазақстан облыстарында кей жерлерде бұршақ түседі, желдің екпіні – 15-20 м/с, түнде және таңертең кей жерлерде тұман түседі.
Павлодар, Қарағанды, Шығыс Қазақстан, Қостанай, Ақтөбе облыстарында кей жерлерде бұршақ жауады, желдің екпіні – 15-20 м/с.
Күндіз Атырау, Батыс Қазақстан облыстарында, Ақтөбе, Маңғыстау, Алматы облыстарында кей жерлерде аптап ыстық болады.
Оңтүстік Қазақстан, Қызылорда облыстарының басым бөлігінде, Батыс Қазақстан, Атырау, Ақтөбе, Қостанай, Қарағанды, Жамбыл, Алматы облыстарында төтенше өрт қаупі сақталады.
