АСТАНА, 14 шілде – Sputnik. Павлодар тұрғыны 1933 жылғы француз тапаншасын полицияға өз еркімен өткізді, деп хабарлайды облыстық ішкі істер департаментінің баспасөз қызметі.
"Бұл тапанша түрін Ұлы Отан соғысы кезінде француз әскері пайдаланған. Павлодар қаласы тұрғынына полицияға тапаншаны өз еркімен өткізгені үшін 27 мың теңге көлемінде өтемақы төленді", — деп мәлімет берді баспасөз қызметі.
ІІД еске сала кеткендей, 10 сәуірден бастап өңірде заңсыз сақталуы оқ ататын қаруды халықтан сатып алу бойынша кезекті науқан өткізілуде. Бұл үшін республикалық бюджеттен 12 миллион теңге бөлінген.
